حسين ياس .. حكاية صبر ونجاح


خاص بـ : شبكة الحياة لوحة رسم  Life just like apalette / موقع بيت الامل 

تاريخ النشر : 27/1/2018

حسين ياس مهندس عراقي من مواليد 1996/2/5 ، اكتشف أهله وهو في السنة الاولى من عمره أنه مصاب بمرض ضمور (ضعف) العضلات والعظام . حاولت والدته تسجيله في مدرسة الشرقية لكن المدير رفض وأشار عليها بتسجيله في مدرسة للصم والبكم ، عادت والدته حزينة وأخبرت والده بماجرى فذهب الى المدير واستفسر منه عن سبب رفضه تسجيل ولده ، فأبلغه أن حسين معاق ويخشى عليه من مشاكسات التلاميذ وتصرفاتهم التي قد تؤذيه ، أصرّ والده على تسجيله . واظب حسين على الدوام لكنه في السنة الاولى شعر بضغط على ساقيه ، فأعفي من الوقوف في الاصطفاف وبقي يلازم مكانه في الصف في اوقات الفرصة ويكتفي بالنظر الى التلاميذ الآخرين من الشباك .  

أكمل حسين دراسته الابتدائية ، ولكنه في الدراسة المتوسطة بات يمشي على عكازتين ، وكان يستغرق لقطع الطريق من الصف الى باب المدرسة الخارجي نحو 10 ـ 15 دقيقة ، ليجد والده بانتظاره على الدراجة . ثم عجز حسين عن المشي تماما فاستخدم العربة ، وواصل دراسته وسط الصعوبات وقبل في الاعدادية وعانى فيها ايضا من التنقل  وكان والده في كل مشواره يسنده ويسعى من اجله ، ومن ثم قبل في كلية الهندسة / الجامعة المستنصرية ، وحين أشارت رئيسة قسم الميكانيك على والده ان ينقله الى كلية دراستها اسهل كالعلوم مثلا ، رفض الوالد وتجاوز الابن مشكلة الرسم على البورد لأنه كان عاليا وهو يعجز عن الوقوف واستطاع توفير بورد مناسب له ، حتى وصل الى المرحلة الدراسية الثانية حيث توفي والده وهنا شعر حسين انه انتهى فقد رحل عنه سنده ، إلا أنه استطاع التخرج بإرادته والعمل في مكتب هندسي الى ان يحصل على وظيفة حكومية . 

ونقدم لكم حكاية حسين ياس ، باللهجة العراقية الدارجة ،كما وردت في صفحة (جاي وخبز) في فيس بوك : 

"اسمي حسين ياس مواليد 1996/2/5 من صار عمري سنه أهلي اكتشفوا انو اني مصاب بمرض ظمور (ضعف) العضلات والعظام صار عمري ست سنوات والدتي سجلتني بمدرسة الشرقيه بس المدير مقبل كلها ودي لمدرسة الصم والبكم كلتله بس هو يحجي ويسمع كلها معليه ما اقبله بالمدرسة فرجعت ضايجه ومقهوره وكالت لابويه فراحله وكله ليش اليوم مقبلت ابني كله ياس ابنك معوق والجهال بالمدرسة وكح يرحون يوكعوا شي كله سجله ومعليك كله ماشي فسجلت ورحت اول يوم وصادف بيها اصطفاف فوكفت بالاصطفاف حالي حال أي طالب بس وره ربع ساعه أو ثلث ساعه كمت رجليه ما أحس بيها من الألم فرجعت ليوره وكعدت يم الحايط وأمي جانت واكفه يم باب المدرسه شافتني من بعيد واجتي عليه كلتلي ها شبيك كتلها رجليه اتموتني واجت عليه المعلمه كلتلها شبي كلتلها مو ميكدر يوكف هواي رجليه اتكوم توجعه كلتلها دخل يكعد بالصف وبعد لايوكف بالاصطفاف هذا أول يوم الي بالمدرسة وكمت كل اصطفاف اكعد بالصف واباوع عل الطلاب من الشباك ومرت السنين وكملت الابتدائية بالمتوسطه الي هي متوسطه الربيع سابقا مدرسه الشهيد حسين خلف عوده حاليا جان الصف الأول فوك فابويه راح للمدير كله بلكت اتنزل الصف الأول واتصعد الصف الثاني فوك كله سهله وداومت النصف الأول من السنه عادي النصف الثاني كمت كلش ما أكدر امشي إلا على عكازتين وضليت عل العكازه وإني احسب يوم يوم علمود اتخلص هاي السنه من وره التعب والألم جانت المسافه الي جنت امشيها من الصف للباب الخارجي تستغرق عندي من 10 إلى 15 دقيقه يله أوصل ويجي والدي ياخذني عل الدراجة فتعبت حيل بهاي السنه أصعب سنه جانت..اخر يوم رجعت بي من المدرسه صار المشي أشبه بالمعجزه فكعدت بالعربانه واجتي السنه الجديده أيضا والدي راح للمدير بأن بلكت هم اتنزل الصف الثاني واتصعد الأول كله هم سهله وداومت الثاني وخلص والثالث هم خلص رحت للاعداديه اعداديه دجله للبنين كالعاده والدي راح للمدير علمود الصف بس هنا المدير مقبل كله اني اغير نظام مدرسه كامله علمود طالب كله لعد شلون كله انقله لغير مدرسه كله كل المدراس بعيده هاي أقرب مدرسه اله كله خل جماعته يصعدوا ..كله يوم يومين هاي وحده اثنين بلكت وكع تره اذا ينكسر ميطيب تعرف شنو اذا ينكسر ميطيب المهم بالاخير قبل وخلص الرابع وكذلك الخامس بس هالمرة نزل الصف بسهوله والسادس هم بحيث جماعتي ملوا اتلث سنين بنفس الصف هههه انقبلت هندسه جامعة المستنصرية قسم ميكانيك وانقلت لواسط رئيسه القسم كالت لوالدي شلون يداوم هندسه لو تنقله علوم احسن كلي أتقدم عل الأدنى واتروح علوم كتله لا خل اداوم بالهندسة والله كريم فرحت اول يوم للكليه كلتله عدهم رسم هندسي ولازم يرسم على بورد وما أعتقد يكدر لأن البورد عالي كللها انجرله بورد على كده كلتله بعد ما اعرف بس كتلك لازم يرسم بيده المهم لكيت بورد وانحلت المشكله كلتله زين اني عندي ورش عملي كللها اجيبله الاجهزه التستخدموها كلتله هسه الله كريم فداومت المرحله الأولى وخلصت واجت الثانيه والدي اتوفى هنا انتهيت بعد.. ما اعرف شلون خلصت السنه واجت الثالثه وبعد أصعب إلى أن اجت الرابعه شويه اتنفست والحمد لله اتخرجت وحالياً جاي اشتغل بمكتب هندسي لحد ما الله يفرجها واتعين هاي القصه بشكل مختصر".


خاص بشبكة دعم الطاقات والمواهب : الحياة لوحة رسم  Life just like a palette

 بإشراف فريق سماء أسماء Sama Asma

صفحة المشروع التطوعي في فيس بوك


التعليقات: اترك تعليقا

* لن يتم نشر هذا البريد الإلكتروني على الموقع.
تم عمل هذا الموقع بواسطة